Sazger Temiráli Baqtygereevtiń shyǵarmashylyq án keshi ótedi

Áıgili sazgerdiń shyǵarmashylyq qyzmetiniń 40 jyldyǵyna arnalǵan mereıtoılyq keshine Tuǵyshbaı Jamanqulov, Nurlan Ónerbaev, Sulýshash Nurmaǵambetov, Ramazan Stamǵazıev, Sembek Jumaǵalıev, Gúlnár Sıqymbaeva, Medeý Arynbaev, Shahızada, Súleımen Ibragımov jáne taǵy basqa belgili óner juldyzdary qatyspaq. Ony Gúlmıra Nálibaı men Beısen Quranbek júrgizgeli otyr.

Temiráli Baqtygereev 1950 jyly Batys Qazaqstan oblysy Qaztalov aýdany Berezın aýylynda ómirge kelgen bolatyn. Almatydaǵy P.Chaıkovskıı atyndaǵy mýzykalyq ýchılışe men ál-Farabı atyndaǵy Qazaq ulttyq ýnıversıtetiniń jýrnalıstıka fakýltetin bitirgen ol keıin Saratov konservatorııasynda oqıdy. 1970 jyly baıanshy retinde Ortalyq Azııalyq áskerı án-bı ansambliniń qurýǵa qatysqan, ol sondaı-aq, sazger retinde 300-den ánniń avtory atandy. Onyń A.Qadyrbaevanyń "Baryp qaıt balam, aýylǵa týǵan, baryp qaıt", J.Qashqynovtyń "Ǵashyqtar senimi", F. Ońǵarsynovanyń "Saǵynysh" sııaqty óleńderine jazǵan ánderi jurtshylyq arasynda keń taraǵan.