Sazger Arman Dúısenovtiń ulynyń ólimine baılanysty qylmystyq is qozǵaldy

ALMATY. KAZINFORM – Qazaqstannyń belgili kompozıtory marqum Arman Dúısenovtiń úlken uly Abylaı Armanulynyń ólimine baılanysty polıtsııa qylmystyq is qozǵady.

Áleýmettik jelilerde elimizge belgili óner qaıratkerleri otbasyna kóńil aıtyp jatyr.

Sondaı-aq ánshi Maqpal Júnisova kompozıtordyń ulyn bireýler qastandyqpen óltirdi dep jazdy.

«Marqum Arman Dúısenovtiń tuńǵyshy Abylaı Armanulyn bireýler qastyqpen óltirdi degen sýyq habar jetti. Imany salamat bolsyn, óltirgen adamdy taýyp jazasyn berý kerek. Aısulý aınalaıyn, Alla sabyr bersin, keshe ushyp ketip edim, týǵandaryna, anasyna, qaryndasy men baýyryna qaıǵyryp kóńil aıtamyn», - dep jazdy Maqpal Júnisova.

Almaty qalalyq polıtsııa atalǵan jaǵdaıǵa qatysty túsinik berdi.

«Atalǵan derek boıynsha Bostandyq aýdandyq polıtsııa basqarmasy qylmystyq is qozǵady. Oqıǵanyń sebebi men mán-jaıy anyqtalýda»,-dep habarlady Almaty qalalyq polıtsııa departamentiniń baspasóz qyzmeti.

Eske salaıyq, byltyr belgili kompozıtor, QR Mádenıet qaıratkeri, «Qurmet» ordeniniń ıegeri Arman Dúısenov ómirden ozdy.