«Sazgen sazy» Túrkııanyń bes qalasynda óner kórsetpek
ASTANA. QazAqparat - Elimizdiń «Sazgen sazy» folklorlyq-etnografııalyq ansambli Túrkııaǵa jasaǵan gastroldik sapary aıasynda Ystambulda alǵashqy kontserttik baǵdarlamasyn qoıdy, dep habarlady 24.kz.
«Sazgen sazy» túriktiń ónersúıer qaýymyna Qurmanǵazynyń, Qazanǵap pen Nurǵısa Tilendıevtiń kúılerin oryndap, Shámshi Qaldaıaqov pen Áset Beıseýovtyń úzdik ánderin súıemeldedi. Al Abaı atyndaǵy Opera jáne balet teatyrynyń belgili ánshisi, Qazaqstannyń eńbek sińirgen qaıratkeri Gúlzat Daýyrbaeva qazaqtyń halyq ánderi men túbi bir túrki jurtynyń tanymal shyǵarmalaryn shyrqady. «Sazgen sazy» folklorlyq-etnografııalyq ansambli Túrkııanyń bes qalasynda óner kórsetedi. Odan keıin gastroldik sapar Eýropa elderinde jalǵasyn tappaq.
