«Sazdy emizik» saýdaǵa tústi
ASTANA. 25 mamyr. QazAqparat - Florıda ýnıversıtetiniń ǵalymdary shala týylǵan sábıler úshin arnaıy medıtsınalyq qondyrǵy oılap tapty. Bul týraly «Aıqyn» gazetine silteme jasap, BNews.kz habarlaıdy.
Eń bir tańǵalarlyǵy, sút emetin bul jumsaq emizikti sábıler erekshe qushtarlyqpen sorady eken. Jalpy, jetilmeı týǵan sábıdiń erni emizikti sorýǵa shamasy kelmeıdi. Al ǵalymdar ómirge ákelgen bul ǵajaıyp týyndy sábıdiń ernine jaqyndap, ol emizikti sorýǵa ıkemdele bastaǵan sátte, baıaý ǵana aqyryn, besik jyry áýeni oınap, balanyń sanasyna áser ete bastaıdy. Sóıtip, sábıdiń tamaqqa tábeti ashylyp, ol perzenthanada qalyp qoımaı, merziminen buryn úıine oralady eken. Aǵylshyn ǵalymdary oılap tapqan, balany jubatatyn bul týyndy halyqaralyq naryqqa shyǵaıyn dep otyr. Qalaı aıtqanda da bul emizik jetilmeı týǵan sábıler jáne olardyń ata-analar úshin úlken jubanyshqa aınalmaq.
Bir qyzyǵy, eger sábı emýdi toqtatqan kezde áýen baıaý ǵana qaıtadan shyǵa bastaıdy eken. Sóıtip, «sazdy áýen» arqyly qarnyn toıǵyzatyn sábıler kóp jatpaı, tez jetiletin boldy.
Bir alańdatarlyǵy, sońǵy 30 jylda AQSh-ta jetilmeı týylǵan sábılerdiń sany 30 paıyzǵa ósken. Aǵylshyn ǵalymdarynyń sábılerge arnalǵan bul qondyrǵysyn oılap tabýynda da osyndaı ózekti másele baryn eskermese bolmaıdy. Qazir arnaıy patent alǵan bul «sazdy emizikke» elde suranys artyp turǵan sekildi.
