Saıystyń 3-shi kúninde Qaırat 96 upaı enshiledi - ıÝrmaladaǵy «Jańa tolqyn - 2010» án baıqaýy
ALMATY. Tamyzdyń 2-si. QazAqparat /Erbol Turymbetov/ - «Jańa tolqyn» án baıqaýynyń 3-shi kúninde «Beıbı» ánimen sahnaǵa shyqqan jerlesimiz Qaırat Túntekov jalpy esepte tórtinshi orynǵa turaqtady, dep habarlaıdy QazAqparat.
Buǵan deıingi eki kúndik qorytyndy boıynsha 6-shy orynda turǵan Qaırattyń sońǵy ánine qazylar 96 upaı berdi. Nátıjesinde eki oryn alǵa jyljyǵan qazaqstandyq ánshi ózinen joǵary turǵan júldegerden 4 upaıǵa kem tústi.
Al eki kún boıy aldyna jan salmaǵan ýkraınalyq 17 jasar Tatıana Shırko jarystyń sońǵy kúninde armenııalyq Sona Shahgeldıanǵa jol berdi. Tatıanadan nebári 1 upaı ozǵan armenııalyq qyz óz ánin keremet oryndap, barlyq qazylardan eń joǵarǵy baǵany aldy. Onyń qorjynyndaǵy upaı sandaryn qosyp eseptegende 288-ge jetti.
Sonymen, top basynda S. Shahgeldıan - 288, Tatıana Shırko - 287, Ýký Ýký Sývıste(Estonııa) - 285 upaı, tórtinshi Qaırat Túntekov - 281 upaı. Esterińizge sala keteıik, bizdiń Qaırat aldyńǵy eki kúndikte 2-shi jáne 3-shi oryndarda turǵan ızraıldyq Hıla Ben Davıdtti 4-shi orynǵa yǵystyrdy.
