Saıran jolynda asfalt opyrylyp ketti - Almaty
ALMATY. QazAqparat - Almatyda Tóle bı kóshesiniń Saıran kóline jaqyn mańdaǵy jol opyrylyp ketti. Kósheniń bir baǵytyn alǵan úlken shuńqyrdyń vıdeosy búgin tańerteń Instagram Kris_p pablıginde jarııalanǵan, dep habarlaıdy QazAqparat tilshisi.
Búgin «Almaty jylý jelileri» JShS atalǵan beınekadrǵa qatysty túsinik berdi.
Olardyń aıtýynsha, asfalt jylý trassasynyń sılfony kompensatorynyń ústindegi asfalt plıtasynyń qozǵalýynan opyrylyp ketken. Tótenshe jaǵdaıdyń kesirinen Tóle bı kóshesiniń boıynda birneshe shaqyrymǵa sozylǵan keptelis paıda boldy.
Almaty jylý jelileri bul olqylyqty 20 saǵat ishinde qalpyna keltirýge ýáde berdi.
Apatty «Arııa Jańa Astana» JShS kepildik mindetteme aıasynda qalpyna keltiredi. Bul kompanııa byltyr osy aımaqta jylý magıstrali salynǵan soń rekonstrýktsııa jumystaryn atqarǵan.
Merdiger kompanııa kún jylyǵan soń jol jabyndysyn tolyq tóseıdi.
Tekserý jumystarynyń qorytyndysyna sáıkes qurylys uıymyna aıyppul salynady.
