Saıran Saıfedenov Almaty bilim basqarmasynyń basshysy bolyp taǵaıyndaldy
ALMATY. KAZINFORM - Almaty qalasynyń ákimi Erbolat Dosaevtyń ókimimen Saıran Saıfedenov bilim basqarmasynyń basshysy qyzmetine taǵaıyndaldy.
Saıran Saıfedenov 1974 jyly dúnıege kelgen.
Abaı atyndaǵy Qazaq memlekettik pedagogıkalyq ýnıversıtetin, Almaty úzdiksiz bilim berý ýnıversıtetin, Qazaq jol jáne qatynas ýnıversıtetin bitirgen.
Eńbek jolyn 1997 jyly bastaǵan. Almaly aýdany ákiminiń apparatynda, sondaı-aq qala ákiminiń apparatynda jumys istedi, Áýezov aýdany ákiminiń orynbasary, Naýryzbaı aýdanynyń ákimi laýazymdaryn atqardy.
Ár jyldary Almaty qalasy áleýmettik ál-aýqat basqarmasy basshysynyń orynbasary, Áýezov aýdanynyń ákimi bolyp jumys istedi.
2023 jylǵy mamyrdan bastap qazirgi taǵaıyndaýǵa deıin Almaty qalasy memlekettik aktıvter basqarmasynyń basshysy bolyp jumys istedi.
