Saıran kóliniń jaǵalaýyndaǵy dárethanalar nelikten jumys istemeıdi

ALMATY. KAZINFORM — Áleýmettik jelide turǵyndar Saıranda ornatylǵan qoǵamdyq dárethana jumys istemeıtinin jazdy.

Bul jaǵdaıǵa baılanysty Almaty ákiminiń orynbasary Almashan Smatlaev túsinikteme berdi.

— Jaqyn arada, 15 aqpanǵa deıin merdiger uıym dárethanany tolyǵymen retke keltiredi. Odan keıin qoǵamdyq keńistikterdi damytý basqarmasy nysandy qabyldaıdy jáne ol áreket etedi, — dedi ol.

Brıfıng barysynda BAQ ókilderi jańartylǵan aýmaqta avtoturaq jetispeıtinin aıtyp, olardy kóbeıtý týraly suraq qoıdy. Qala ákimniń orynbasary bolashaqta turaq sanyn kerisinshe qysqartý josparlanǵanyn atap ótti.

— Álemdegi iri qalalarda halyqtyń 70%-y qoǵamdyq kólikpen, al 30%-y jeke kólikpen júredi. Al bizde 60%-y jeke kólikti, 40%-y qoǵamdyq kólikti qoldanady. ıAǵnı, bizde teris jaǵdaı. Biz qazir metro stantsııalaryn salyp jatyrmyz. Sondaı-aq avtobýs jıiligin arttyramyz. Munyń bárin jaqsartqan kezde qaladaǵy avtoturaqtardyń sany azaıady. Biraq 1-2 jyldan keıin solaı bolyp ketedi dep aıtpaımyn, — dedi Almashan Smatlaev.

Eske salaıyq, byltyr Saıran kólindegi jumystardy merziminen keshiktirgen merdiger jazalandy.