Saıran kóliniń jaǵalaýyn abattandyrý jumystary 75 paıyzǵa oryndaldy
ALMATY. KAZINFORM – 2024 jyldyń jeltoqsan aıynda Saıran kólin abattandyrý boıynsha negizgi qurylys jumystary bitti.
Almatydaǵy úlken jobalarydyń biri – Saıran kóliniń jaǵalaýyn abattandyrý.
Almaty ákimdiginen atap ótkendeı, 2024 jyldyń jeltoqsanynda negizgi qurylys jumystary aıaqtaldy. Qazir jumystar 75%-ǵa oryndaldy. Osy jyldyń sáýir-mamyr aılarynda brýschatka tóseý, shaǵyn arhıtektýralyq formalar ornatý jumystary aıaqtalady. Sondaı-aq 200 iri úlken japyraqty jasyl jelekti otyrǵyzylady.
Osyǵan deıin shahar basshysy Erbolat Dosaev merdiger uıymǵa barlyq qurylys, ınjenerlik-tehnıkalyq jáne sanıtarlyq normalardy saqtaı otyryp, barlyq jumystardy belgilengen merzimde aıaqtaýdy tapsyrǵan bolatyn. https://kaz.inform.kz/news/sayran-kolnn-zhagalauin-abattandiru-zhumistari-keles-zhili-ayaktaladi-772a7d/
Esterińizge sala keteıik, jobany iske asyrý 2024 jyldyń aqpan aıynda bastalǵan bolatyn. Jobaǵa sáıkes, Saıran kóliniń eki jaǵalaýy sýǵa jaqyn mańda uzyndyǵy 2,5 km biryńǵaı serýendeý jaǵalaýyna qosylatyn bolady, sondaı-aq qoldanystaǵy kópir arqyly 3,5 km jáne Abaı dańǵylyna shyǵatyn 4,5 km serýendeý marshrýttary qoljetimdi bolady.
Buǵan deıin qala ákimdigi jobanyń eskızderin usynǵan edi.
2023 jyly Saıran sý qoımasynyń túbi 50 jylda alǵash ret tazartyldy. Mehanıkalyq tazalaý nátıjelerine 142 myń tekshe metr laı jáne 23 tonna turmystyq qoqys shyǵaryldy.