Saıran kóline mas kúıinde sýǵa túsken almatylyq qutqaryldy
ALMATY. QazAqparat - Іshki ister departamentiniń jergilikti polıtsııa qyzmeti qutqarýshylarmen birigip Almatynyń sý qoımalary men ózenderinde reıd ótkizip jatyr, dep habarlaıdy QazAqparat tilshisi.
29 maýsymynda qutqarýshylar «Saıran» sý qoımasynyń aınalasyn baqylap júrgen kezde mas kúıinde sýǵa túsip, aǵyp bara jatqan 1977 jyly týǵan Sh. esimdi azamatty qutqardy.
Tótenshe jaǵdaılar departamenti málim etkendeı, adamdardyń kóbisi sýǵa túsýge ruqsat etilmegen jerlerde shomylý, mas kúıinde sýǵa túsý sııaqty sebeptermen mert bolyp jatady
Aıta keteıik, reıd sýǵa shomylý maýsymy aıaqtalǵanǵa deıin jalǵasa beredi.
