Saıran kóline batyp ketken er adamnyń denesi tabyldy
ALMATY. QazAqparat - Saıran kóline batyp ketken er adamnyń denesi tabyldy, dep habarlaıdy QazAqparat tilshisi.
«Sýǵa batyp ketken er adamnyń denesi tabyldy, onyń jeke basy anyqtalýda», – dep habarlady tótenshe jaǵdaılar departamentinen.
Kýágerlerdiń aıtýynsha, 31 mamyr kúni shamamen keshki saǵat 17:30-da Saıran kóline 25-30 jas aralyǵyndaǵy er adam sýǵa túsip, qaıtyp shyqpaǵan.
Aldyn aldyn ala boljam boıynsha, jas jigit tanystarymen birge ishimdik ishken.
Іzdestirý jumystaryna Almaty qalasy qutqarý qyzmetiniń 4 súńgirýi men «QR TJM» MM-nen 3 súńgýir men 2 qaıyq jumyldyryldy.
Almaty qalasynyń Tótenshe jaǵdaılar departamenti sýdaǵy qaýipsizdik mádenıetin saqtaýǵa shaqyrady.
Sýda myna nusqaýlyqqa nazar aýdarý qajet:
- Sýǵa arnaıy ruqsat etilgen jerde ǵana shomylyńyzdar;
- Balalardy qaraýsyz qaldyrmańyzdar;
- Eger siz arnaıy ruqsat etilgen jerde shomylǵanda sýda júzý bilmeseńiz, belden joǵary keletin sýǵa túspeńiz;
- Júzý kezinde bir-birlerińizdi qadaǵalap otyryńyzdar;
- Qorshaý belgilerinen asyp, jaǵadan alysqa júzip barmańyzdar;
- Qaıyqtar men katerlerge qaraı jaqyn júzýge bolmaıdy;
- Qaıyqtar men kópirlerden sýǵa qaraı sekirmeńizder;
- Sýda uzaq ýaqyt shomylmańyzdar, tońyp jáne sharshap qalýyńyz múmkin;
- Túngi ýaqytta alkogoldi ishimdik iship sýǵa shomylmańyzdar.
