Saıran kólinde er adam sýǵa batyp ketti

Kýágerlerdiń aıtýynsha, 31 mamyr kúni shamamen keshki saǵat 17: 30-da Saıran kóline 25-30 jas aralyǵyndaǵy er adam sýǵa túsip, qaıtyp shyqpaǵan.

Aldyn aldyn ala boljam boıynsha, jas jigit tanystarymen birge ishimdik ishken.

«Almaty qalasynyń qutqarý qyzmetiniń qutqarýshylary jedel izdestirý-súńgýir jumystaryn bastady. Іzdestirý-súńgýir jumystary qarańǵy túskenge deıin júrgizildi. Búgin tańǵy saǵat 08:30-dan bastap izdestirý-súńgýir jumystary qaıta bastaldy. Іzdestirýge QR TJM RJQJ-nyń súńgýirleri de tartyldy. Sý tunyq bolmaǵandyqtan sý astynan eshteme kórinbeıdi. Sondyqtan izdestirý jumystary janasý arqyly júrgizilýde»,- dep habarlady Almaty qalalyq Tótenshe jańdaılar departamentinen.

Іzdestirý jumystaryna Almaty qalasy qutqarý qyzmetiniń 4 súńgirýi men «QR TJM» MM-nen 3 súńgýir men 2 qaıyq jumyldyryldy.

Almaty qalasynyń Tótenshe jaǵdaılar departamenti sýdaǵy qaýipsizdik mádenıetin saqtaýǵa shaqyrady.

Sýda myna nusqaýlyqqa nazar aýdarý qajet:

- Sýǵa arnaıy ruqsat etilgen jerde ǵana shomylyńyzdar;

- Balalardy qaraýsyz qaldyrmańyzdar;

- Eger siz arnaıy ruqsat etilgen jerde shomylǵanda sýda júzý bilmeseńiz, belden joǵary keletin sýǵa túspeńiz;

- Júzý kezinde bir-birlerińizdi qadaǵalap otyryńyzdar;

- Qorshaý belgilerinen asyp, jaǵadan alysqa júzip barmańyzdar;

- Qaıyqtar men katerlerge qaraı jaqyn júzýge bolmaıdy;

- Qaıyqtar men kópirlerden sýǵa qaraı sekirmeńizder;

- Sýda uzaq ýaqyt shomylmańyzdar, tońyp jáne sharshap qalýyńyz múmkin;

- Túngi ýaqytta alkogoldi ishimdik iship sýǵa shomylmańyzdar.