Saıramdyq kásipkerler aýrýhanaǵa 19 ókpeni jasandy jeldetý apparatyn syılady

SAIRAM. QazAqparat – Túrkistan oblysy Saıram aýdanynyń kásipkerleri 5 mln teńge kóleminde qarjy jınap, onyń 3,5 mln teńgesine 19 medıtsınalyq tynys alý qurylǵysyn satyp alǵan, dep habarlaıdy QazAqparat tilshisi.

Ókpe qabynýyna, koronavırýs indetine shaldyqqan naýqastarǵa asa qajet qurylǵylar aýdandyq ortalyq aýrýhanalarǵa ornatyldy.

Igi bastamany Qarabulaq aýylynyń turǵyny, erikti B.Hasantaev uıymdastyryp, qajetti medıtsınalyq qurylǵylar Almaty qalasynan jetkizilgen.

Sondaı-aq, volonterler ottegi ballondaryn toltyrý jumystaryna da atsalysýda.

Kásipkerler demeýshiliginen artylǵan qarajatqa aýrýhanaǵa azyq-túlik alynǵan. Sebebi, ondaǵy medıtsına qyzmetkerleri 14 kúnge deıin úıinen oqshaýlanyp, eriktiler sonda qyzmet kórsetip keledi.

Aıta keteıik, aýdan boıynsha Aqsýkent jáne Qarabulaq ortalyq aýrýhanalarynda 87 oryn bar. Qosymsha Qarabulaq aýylyndaǵy «SAPA» jekemenshik medıtsınalyq ortalyǵynan taǵy 30 oryn ashylǵan.