Saıramda sýıtsıd jasaýshylar kóbeıgen

TÚRKІSTAN. QazAqparat – Túrkistan oblysynyń Saıram aýdanynda sýıtsıd jasaýshylar kóbeıgen, dep habarlaıdy QazAqparat tilshisi.

Sońǵy ýaqytta aýdan turǵyndary arasynda sýıtsıd jaǵdaıynyń tirkelý sany artty. Bıylǵy jyldyń 7 aıynda 54 turǵyn óz ómirin qııýǵa oqtalǵan. Onyń ishinde 17-si óz-ózine qol salsa, 37-si aman qalǵan.

Búgin atalǵan másele aýdan ákimi Ulasbek Sádibekovtiń tóraǵalyǵymen ótken jıynda qaraldy.

Densaýlyq saqtaý, bilim berý, quqyq qorǵaý salasynyń basshylary tarapynan keleńsiz jaǵdaıdyń sebepteri men aldyn alý máseleleri boıynsha usynys-pikirler tyńdaldy.

Jıynnyń qorytyndysyna sáıkes, turǵyndardyń keleńsiz jaǵdaıǵa barmaýyn, osyǵan beıim jastar, sonymen qatar otbasynda zorlyq-zombylyq kórgen, turmysy tómen jandarǵa túsindirý jumystaryn júrgizý, jan-jaqty zerdeleý kerektigi aıtyldy.