Saıramda sharýa qojalyǵy túıe sútiniń lıtrin 1000 teńgeden satyp otyr

SAIRAM. QazAqparat - Túrkistan oblysy Saıram aýdanynda «Bozingen» sharýa qojalyǵy túıe sharýashylyǵyn qolǵa alyp, sútti baǵytty damytyp otyr, dep habarlaıdy QazAqparat.

Sharýashylyq ıesi Ábilqasym Mustafaev túıelerdi 2003 jyly Túrikmenstannan ákelgen. Otbasylyq kásippen 5 shaqty adam aınalysady. Búginde 40-tan astam mal basy bar.

Kúnine 160-170 lıtr sút saýady. Ár lıtrin 1000 teńgeden saýdalap otyr. Jylyna 50 tonnadan asa túıe sútin óndiredi. Jem-shóp máselesi sheshilgen. Jaıylym jeri de bar.

Aldaǵy ýaqytta mal basyn kóbeıte túsip, ónimdi túrlendirýdi josparlap otyr.

Sonymen qatar, Saıram aýdanynda astyq orý naýqany bastaldy. Qaınarbulaq aýyl okrýginde ornalasqan «Nur Kól» JShS 4650 gektar jeri bar. Onyń ishinde egis alqaby: kúzdik bıdaı - 2000 ga, arpa - 1000 ga, maqsary - 1000 ga. Seriktestikte 30-dan astam tehnıka bar, 50 shaqty adam jumyspen qamtylǵan. Qazirgi tańda astyq orý naýqany júrip jatyr.

Aýdan negizinen agrarly óńir. Egin men mal sharýashylyǵy damyǵan. Úzdik tehnologııany da sharýalar meńgergen. Máselen, saıramdyq sharýa Batyr Imamov óz úıiniń irgesindegi 10 sottyq jerine qyzanaq, kartop, baıaldyr, bolgar daqylyn eken. Jylyna eki ónim alady.

Úı irgesindegi jerine tamshylatyp sýarý júıesin engizgen. Únemdi, paıdaly, jer qatpaıdy, sý men dárýmen daqyldyń túbine barady.

Júıeni ornatýǵa nebári 70 myń teńge jumsaǵan. Ónimin jergilikti bazarda saýdalap, jemisin kórýde.