Saıramda órtenip jatqan ǵımarat ústinen týdy alǵan jigittiń áreketi kópshilikti súısintti

TÚRKІSTAN. QazAqparat – Saıram aýdanynda órtenip jatqan ǵımaratqa shyǵyp, Memlekettik Týdy alǵan jigittiń áreketi kópshilikti tamsandyrdy, dep habarlaıdy QazAqparat tilshisi.

erjúrek azamat Qanseıit Muhammed — Shirkin aýylynyń týmasy. Qazir Saıram aýdandyq Halyqty jumyspen qamtý ortalyǵynda qyzmet atqarady. Tótenshe jaǵdaı tusynda ol shuǵyl sheshim qabyldap, órtenip jatqan shatyrǵa shyqqan. Býdaqtaǵan tútin ishinde turyp týdy alyp, tómendegi adamdarǵa bergen. Qanseıittiń bul áreketin jerlesteri vıdeoǵa túsirip alǵan.

«Jalpy Saıram aýdany ákimdiginiń halyqty jumyspen qamtý ortalyǵy» KMM-i shamamen 425 sharshy metrin órt sharpydy. Oqıǵa ornynda 8 órt sóndirý kólikteri jáne 37 jeke quram jumys istedi. Órt oqıǵasynan zardap shekkender joq. Órtten kelgen materıaldyq shyǵyn men órttiń shyǵý sebebi anyqtalýda», - deıdi M. Baımbetov Saıram aýdany Tótenshe jaǵdaılar basqarmasynyń bastyǵy azamattyq qorǵaý polkovnıgi.