Saıramda qoıma órtendi
TÚRKІSTAN. KAZINFORM — Túrkistan oblysynyń Saıram aýdany, Aqsýkent aýylyndaǵy qoımada órt shyqty. Bul týraly habarlama 112 qutqarý qyzmetiniń pýltine kelip túsken.
Alǵashqy bólimsheler kelgen sátte órttiń qarqyny kúsheıip, shatyr qulaǵan. Qazir órt sóndirýshiler joǵary dárejedegi órtti sóndirý jumystaryn júrgizip jatyr.
— Oqıǵa ornynda órt sóndirý shtaby quryldy. Sóndirý barysynda otteginiń kóptigi, qatty tútin men jylý sáýlesiniń joǵary bolýy, sondaı-aq jalynnyń úlken aýmaqqa tez taralýy jumysty qıyndatyp otyr. Órtke qarsy kúreske jeke quramnan 28 qyzmetker jáne 8 tehnıka jumyldyrylǵan. Zardap shekkender týraly aqparat tirkelgen joq, — delingen Túrkistan oblysy Tótenshe jaǵdaılar departamenti taratqan aqparatta.
Aıta keteıik, budan buryn Túrkistandaǵy kórý munarasy nege jabylyp qalǵanyn jazǵan bolatynbyz.