Saıramda dámhanada jarylys bolyp, 2 adam kóz jumdy
SAIRAM. QazAqparat - Túrkistan oblysy, Saıram aýdanyndaǵy dámhanalardyń birinde gaz balony jaryldy. Oqıǵa saldarynan bes jasar bala men 61 jastaǵy turǵyn kóz jumyp taǵy 12 adam kúıip qaldy, dep habarlaıdy QazAqparat tilshisi.
Oblystyq densaýlyq saqtaý basqarmasynyń málimetinshe, kúıikten kóz jumǵandar aýrýhanaǵa aýyr halde jetkizilgen.
«5 jasar bala 11 mamyrda, al 1958 jyly týǵan naýqas búgin qaıtys boldy. Qalǵan naýqastar oblystyq kúıikti emdeý ortalyǵyna aýystyryldy»,- deıdi Oblystyq Densaýlyq saqtaý basqarmasynyń baspasóz hatshysy Mıra Súleımenova.
Aıta ketsek, qaıǵyly jaǵdaı 9 mamyr kúni Saıram aýdanyndaǵy dámhanalardyń birinde bolǵan. 50 lıtrlik gaz balon jarylyp, tamaqtanýǵa kelgen turǵyndar men ondaǵy qyzmetkerler kúıip qalǵan bolatyn. Qazirgi tańda oqıǵanyń sebep saldary anyqtalyp jatyr.
