Saıramda 60 kóshe jóndeýden ótip jatyr
TÚRKІSTAN. QazAqparat - Túrkistan oblysy Saıram aýdanynda eldimekenderdiń uzyndyǵy 59 shaqyrymdy quraıtyn 60 kóshesinde jóndeý jumystary júrip jatyr, dep habarlaıdy QazAqparat.
Oblys ákimi baspasóz qyzmetiniń habarlaýynsha, aýdan ortalyǵy Aqsýkentte - 33 kóshe, Aqbulaq, Qarasý jáne Mankent aýyldarynda - 6, Qaramurt eldi mekeninde - 3, Jibek joly aýylynda 2 kóshe jóndelý ústinde.
Qazirgi tańda Saıram aýdanynan ótetin oblystyq mańyzy bar birqatar avtomobıl joldary oblystyq kommýnaldyq menshikten aýdan qaramaǵyna qabyldanyp, tıisti qujattamany ázirleý jumystary júrip jatyr. Sondaı-aq, aýyl ákimdikteri esebinen qaralǵan 155,5 myń teńgege Aqsýkent, Qarasý, Qarabulaq, Mankent aýyldarynda uzyndyǵy 13,5 shaqyrym bolatyn 21 kóshe ortasha jóndeýden ótkizildi.
Budan ózge, aýdan kólemindegi apatty jaǵdaıda turǵan 3 kópirdi jóndeýge aýdandyq bıýdjetten qarajat bólinip, aǵymdaǵy jyly tolyq paıdalanýǵa berildi.
