Saıramda 50 jyldyq mereıtoıǵa jınalǵandar úıdi-úıine qaıtaryldy
Túrkistan oblysy bas memlekettik sanıtar dárigeriniń qaýlysy negizinde, karantın rejımine birqatar shekteý sharalary engizilgen.
Osy talaptardyń saqtalýyn qadaǵalaý maqsatynda Saıram APB qyzmetkerleri jáne jergilikti atqarýshy organdardan mobıldi toptar qurylyp, qarqyndy jumys júrgizýde.
Sonyń nátıjesinde Qazaqstan Respýblıkasy ÁQBtK 425-babyn buzý boıynsha Saıram aýdanynda jyl basynan beri 114 ákimshilik quqyq buzýshylyq anyqtalǵan.
Onyń barlyǵynyń is-qujattary Saıram aýdandyq sanıtarııalyq-epıdemıologııalyq baqylaý basqarmasyna jiberildi.
Máselen, osy baǵyttaǵy jumys barysynda polıtseıler Saıram aýdany Mankent aýyly Aınabulaq kóshesinde ornalasqan «Aqtilek» toıhanasynda 50 jyldyq toı ótip jatqanyn anyqtady.
Toıhanada shamamen 50-ge jýyq adam bolǵan.
Polıtseıler birden áreket etip, toıdy toqtatyp, qonaqtardy qaıtardy.
Osyǵan oraı halyqtyń shoǵyrlanýyna jol berip, karantın talabyn oryndamaǵany úshin toıhana egesi men toı ıesine qatysty is-qujattar rásimdelip, Saıram aýdandyq sanıtarııalyq-epıdemıologııalyq baqylaý basqarmasyna joldanǵan.