Saıramda 21 gektarǵa jylyjaı kesheni salynady
SAIRAM. QazAqparat - QR Premer-Mınıstri Asqar Mamınniń Túrkistanǵa sapary aıasynda Túrkistan oblysynyń ákimdigi men POLCOTTON LTD polıak kompanııasy arasynda 27 mln dollarǵa Saıram aýdanynda aýmaǵy 21 gektardy quraıtyn jylyjaı keshenin salý jónindegi ózara túsinistik týraly memorandým túzildi, dep habarlaıdy QazAqparat óńir basshysynyń baspasóz qyzmetine silteme jasap.
Jabyq alqap túgeldeı joǵary tehnologııamen jabdyqtalady. Aýqymdy joba eki kezeńge bólingen. Alǵashqy kezeńinde 11 gektar jylyjaıdy paıdalanýǵa berý josparlanyp otyr. Al ekinshi kezeńde taǵy 9,5 gektary salynady. Qazirgi ýaqytta qurylys-montajdaý jumystary qolǵa alynǵan. Investıtsııalyq kelisimshart jasalyp, qajetti quraldary jetkizilgen.
Jalpy 2017 jyldan bastap, ınvestıtsııalyq qyzmetti ártaraptandyrý sheńberinde, Cottonex kompanııalar toby, Túrkistan oblysy Saıram aýdanynda joǵary tehnologııalyq jylyjaı keshenin salý jónindegi aýqymdy jobany iske asyrǵan.
