Saıramda 1 500-den astam oqýshy mektepke jańa avtobýspen tegin qatynaıdy
Saıramda 1 500-den astam oqýshy mektepke jańa avtobýspen tegin qatynaıdy, dep habarlaıdy Kazinform Túrkistan oblysynyń Óńirlik kommýnıkatsııalar qyzmetine silteme jasap.
Bıyl Saıram aýdanynyń bilim bólimine qarasty 14 eldimekeninde ornalasqan memlekettik mektepterge shalǵaıdan qatynaıtyn oqýshylardy tasymaldaý úshin 20 jáne 40 oryndyq 9 avtobýs bólingen bolatyn.
Búginde shtattyq kestege sáıkes, 730 oqýshy atalǵan 9 avtobýspen mektepke qatynasa, 805 oqýshyny «ıANS» JShS-men kelisimshart arqyly tasymaldaý jumystary júrgizilip jatyr. Jalpy mektepten shalǵaıda turatyn 1 535 oqýshy avtobýspen tegin tasymaldanýda.
Naqtyraq aıtqanda, Saıram aýdanyndaǵy №26 M.Qashqarı atyndaǵy jalpy orta mektebi, №104 negizgi orta mektebi jáne №12 T.Rústemov atyndaǵy mektep gımnazııasynyń shalǵaıda turatyn oqýshylary jańa berilgen avtobýstarmen qatynap júr.