Saıram-Ógemde týrıst jabaıy aıýdy vıdeoǵa túsirip alǵan
ASTANA. KAZINFORM — Saıram-Ógem memlekettik ulttyq tabıǵı parkinde týrıst tabıǵı ortada júrgen aıýdy baıqap, ony vıdeoǵa túsirgen.
Ulttyq tabıǵı parktiń baspasóz qyzmetiniń málimetinshe, jabaıy janýardy osylaı óz mekeninde kórý — erekshe áser qaldyrady. Degenmen mundaı sátte qaýipsizdik erejelerin umytpaǵan jón.
— Janýarǵa jaqyndamaý, sońynan ermeý, tamaq bermeý jáne nazaryn ádeıi aýdarmaý qajet. Ulttyq park — jabaıy janýarlardyń mekeni. Sondyqtan tabıǵat aıasynda júrgende belgilengen baǵyttardy ustanyp, qaýipsiz araqashyqtyqty saqtaý mańyzdy, — dep eskertti park qyzmetkerleri.
Vedomstvo deregine sáıkes, Saıram-Ógemdegi Tıan-Shan qońyr aıýy — ulttyq parktiń sırek kezdesetin ári asa mańyzdy jabaıy janýarlarynyń biri. Aıý kóbine taýly ormandy alqaptarda, arshaly jáne butaly jerlerde mekendeıdi. Ol tabıǵı ekojúıeniń tepe-teńdigin saqtaýda mańyzdy ról atqarady. Sondaı-aq aıý ósimdikterdiń tuqymdaryn taratýǵa jáne janýarlar dúnıesindegi tabıǵı baılanysty saqtaýǵa yqpal etedi.
Buǵan deıin «Altyn-Emel» memlekettik ulttyq tabıǵı parkinde sýatqa qasqyr men qulandar kelgen cát fototuzaqqa túsip qalǵanyn jazǵanbyz.
