«Saıram» murajaıy jabyla ma: Shymkent turǵyndary Májilis depýttaryna ótinish bildirdi

ShYMKENT. QazAqparat - Májilis depýtaty Fahrıddın Qarataev aımaqtarǵa sapar barysynda Shymkent qalasynyń Qarataý aýdanyna baryp jergilikti halyqpen kezdesti, dep habarlaıdy QazAqparat QR Parlamenti Májilisiniń baspasóz qyzmetine silteme jasap.

Kezdesý barysynda turǵyndar depýtatqa elimizdiń jańa baǵytqa betburǵanyna qýanyshty ekenin aıtyp, óńirdegi birqatar máselelerdi atap ótti. Sonyń biri Saıram turǵyn alabynda ornalasqan 1992 jyly qurylǵan «Saıram» ólketaný murajaıynyń jabylýy týraly.

Turǵyndardyń aıtýynsha, otyz jyldan beri qala halqy men týrısterge qyzmet kórsetip keledi. 10 myńǵa jýyq esponattary bar, kóne Isfıdjap qalasynyń tarıhynan syr shertetin jádigerler jınalǵan bul murajaı búgingi kúnge deıin Túrkistan oblysynyń balansynda bolǵan.

F.Qarataev atap ótkendeı, qala turǵyndary oblys basshylarynyń uıǵarymymen murajaı eksponattaryn, jergilikti tarıhqa qatysty jádigerlerdiń Túrkistan oblysyna alyp ketilýine qarsylyq bildirýde.

– Shymkent qalasyna týrıster kóptep keledi. Olardyń basym bóligi Qoja Ahmet ıAssaýı babamyzdyń áke-sheshesi Ibragım ata, Qarashash ana, atasy Mahmýt baba, Bálegardan bap, Márıam ana, Qazy Baızaýı, Bozdaq ata, Qydyr ata munarasy jáne t.b. Osy tarıhı oryndardyń qatarynda «Saıram» murajaıynyń orny erekshe, – dedi.

Kezdesý barysynda qala turǵyndary babalar amanaty bolǵan tarıhı jádigerlerdi qasterleı otyryp, murajaıdy óz ornynda qaldyrý týraly talaptaryn jetkizdi. Depýtat atalǵan másele boıynsha aldaǵy ýaqytta tıisti organdarmen jumys isteıin aıtty.