Saıram kóline káriz sýy quıylyp jatyr – basqarma túsinik berdi
ALMATY. QazAqparat - Almatylyqtar kóldiń káriz sýymen lastanýyna narazy. Beınejazba áleýmettik jelide paıda boldy, dep habarlaıdy QazAqparat tilshisi.
Beınejazba avtory Saıram kóline káriz sýynyń qaı jaqtan kelip qosylyp jatqanyn aıtady. Sonymen qatar, jaǵymsyz ıistiń shyǵyp turǵanyna shaǵymdandy.
Qalalyq jasyl ekonomıka basqarmasynyń baspasóz qyzmeti vıdeoǵa qatysty túsinikteme berdi.
«Biz tekserdik. Bul ýchaskede Jubanov kóshesinen, Aırıha kóshesiniń batysyna qaraı sý aǵatyn kanal bar ekeni anyqtaldy. Bul kollektor jańbyr men erigen sýdy aǵyzýǵa, sondaı-aq Jubanov kóshesiniń boıynan, Aırıha kóshesinen bastaý alatyn artyq sýarmaly sýdy aǵyzýǵa arnalǵan», - dep jaýap berdi basqarmadan.
Buǵan deıin, almatylyqtar Jarbulaq ózenine káriz sýy quıylyp jatqanyna shaǵymdanǵan bolatyn.
Ol kezde de Medeý aýdanynyń ákimdigi, ekologııa bólimi qyzmetkerleri men aýdandyq tabıǵatty qorǵaý polıtsııasy tekserý jumystar júrgizgen edi.
