Saıram aýdanynda qoǵam erkin pikir almasyp, usynysyn aıtatyn alań ashyldy
NUR-SULTAN. QazAqparat - Búgin Saıram aýdanynda aýdan ákimimen jáne «Nur Otan» partııasy Saıram aýdandyq fılıalynyń basshylyǵymen erkin pikir almasyp, oıy men usynysyn ashyq aıtatyn alań ashyldy, dep habarlaıdy QazAqparat.
«Eger osy aýdannyń tynys-tirshiligine beı-jaı qaraı almasańyz, eger siz Saıram aýdanynyń janashyry bolsańyz, eger siz shyndyqty shyjǵyryp betke aıtatyn bolsańyz, «Parasat» pikirtalas alańy sizdiki! Shyǵyńyz da oıyńyzdy ashyp aıtyńyz», - dedi Saıram aýdanynyń ákimi Ýlasbek Sadıbekov «Parasat» pikirtalas klýbynyń múshelerimen kezdesýde.
«Parasat» pikirtalas klýbynyń músheligine Qazaqstan Respýblıkasynyń azamattary bolyp tabylatyn aýyl okrýgterindegi el aǵalary, aýdan turǵyndary, qoǵam belsendileri, úkimettik emes uıym ókilderi men saıası partııalar, depýtattar, jastar, ult janashyrlary jáne BAQ ókilderi ene alady.
Ár toqsan saıyn bas qosýdy josparlaǵan klýbtyń búgingi otyrysy 2020 jyldyń 9 aıynda Saıram aýdanyndaǵy atqarylǵan jumystarǵa arnaldy.
Klýb erejesi tanystyrylǵannan keıin aýdan basshysy Ulasbek Sádibekuly baıandama jasady. Ashylǵan búgin bolǵanyna qaramaı, klýb músheleri belsendilik tanytyp, túrli salaǵa qatysty syn-pikirlerin aıtyp, usynys jasady.
Usynystarǵa oraı, pikirtalas klýbynyń kelesi otyrysy «Jer máseleleri. Densaýlyq. Elektr energııasy» taqyryptaryna arnalatyn boldy. Bul alań birinshi kezdesýden-aq qoǵamǵa qajettiligin dáleldedi.
