Saıram aýdanynda bos jumys oryndarynyń jármeńkesi ótti
ShYMKENT. QazAqparat - Ońtústik Qazaqstan oblysy, Saıram aýdanynda óńiraralyq bos jumys oryndarynyń jármeńkesi ótti. Sharaǵa Soltústik Qazaqstan, Qostanaı, Pavlodar, Shyǵys Qazaqstan oblystarynan kelgen 120-dan astam jumys berýshi qatysty, dep habarlaıdy QazAqparat tilshisi.
Alystan at aryltyp kelgender jergilikti turǵyndarǵan túrli jumys turlerin usynyp, múmkindiktermen tanystyrdy. Bas-aıaǵy 4 myńǵa tarta jumys orynyn usyndy. Jumys berýshilerdiń sózinshe, soltústik oblystarynda egin men mal sharýashylyǵyn túletetin mamandar tapshy. Bilim berý uıymdary men densaýlyq saqtaý nysandarynda da bos jumys oryndary barshylyq. Jumysshy jetispeı jatqan bul aımaqtarda kásippen aınalysýǵa da múmkindik kóp.
Aıta keteıik, atalǵan aýdandanda búginde 42 myń adam óz-ózin jumyspen qamtyǵan bolsa, 700-deı turǵyn jumyssyz retinde tirkelgen. Qazir qoly bos turǵyndar arasynda tıisti túsindirý jumystary júrgizilýde. Soltústik óńirilerinen kelgen jumys berýshiler eńbek etkisi keletinderdi ondaǵy ahýalymen tanystyrý úshin arnaıy sapar uıymdastyramyz dep otyr.
