Saıram aýdanynda birneshe nysan paıdalanýǵa berildi

ShYMKENT. QazAqparat - Táýelsizdik kerýeni Ońtústik Qazaqstan oblysynyń Saıram aýdanyn aralady. Nasıhat toby jurtshylyqqa máńgilik el jalpy ulttyq patrıottyq ıdeıasynyń qundylyqtaryn dáriptep, táýelsizdik toıy qarsańynda birneshe nysandy ashyp berdi, dep habarlaıdy aýdan ákimdiginiń baspasóz qyzmeti.

Aýdan ákimi Samat Saparbaev bastaǵan zııaly qaýym ókilderi, ardagerler men aýyl bıleri aldymen aýdandaǵy jalpy orta mektepterdiń birine keldi. Jerlesterin táýelsizdik merkesimen quttyqtap, patırıottyq ıdeıasynyń qundylyqtaryn dáriptedi. Sońǵy shırek ǵasyrda sansyz baptar mekeninde atqarylǵan aýqymdy sharalardy sóz etti. Merekelik kontserttik sharada jastardy eljandylyqqa tárbıeleıtin án men jyr áýeledi. Aýdan ákimine ilesken kerýen músheleri bul kúni táýelsizdik toıyna tartý etip birneshe nysandy saltanatty jaǵdaıda tabys etti. Mektep janynan ashylǵan sport alańy jas óskinderdiń ıgiligine tapsyryldy. Sondaı-aq 150 oryndyq balabaqsha da táýelsiz eldiń baqytty urpaǵy úshin qyzmet etetetin boldy. El táýelsizdigi qarsańynda sport kesheni de esigin aıqara ashty.
Munda sport súıer qaýym dop teýip, bos ýaqytyn tıimdi paıdalana alady. Zamanýı talapqa saı boı kótergen nysanda aldaǵy ýaqytta jattyǵý zaldary jumys isteıtin bolady.
Aıta keteıik, búginde Saıram aýdanynda balabaqshamen qamtý kórsetkishi 75 paıyzdy quraıdy. Sońǵy shırek ǵasyrda sansyz baptar mekeninde 41 tıptik mektep pen 75 balabaqsha iske qosylǵan. Yrysy artqan mekende búginde aýyz toltyryp aıtarlyqtaı jańalyq kóp. Aýdanda ınfraqurylym da jaqsy damyǵan. 42 eldimekenniń 41-inde aýyzsý táýlik boıy beriledi. 19 aýyldyń tuǵyndary kógildir gazben qamtylǵan.