Saıram aýdanynda «Aýyl – el besigi» jobasy sátti júzege asyrylyp keledi
SAIRAM. QazAqparat – Túrkistan oblysy, Saıram aýdanynda «Aýyl – El besigi» jobasy sátti júzege asyp keledi. Atalǵan joba aıasynda Aqsýkent jáne Mankent aýyldarynda bilim, mádenıet jáne densaýlyq saqtaý nysandary kúrdeli jóndeýden ótip jatyr, dep habarlaıdy QazAqparat tilshisi.
Máselen, Aqsýkent aýylynyń ortalyǵyndaǵy Q.Jandarbekov atyndaǵy 430 oryndyq Mádenıet úıine kúrdeli jóndeý jumystary júrgizilýde. 1905 jyly salynǵan ǵımarat 10 jyl buryn aǵymdaǵy jóndeýden ótken. Al, 2011 jyly mádenıet úıiniń janynan 2 qabatty ǵımarat salynǵan. Aǵymdaǵy jyldyń maýsym aıynyń 1-ne bastalǵan qurylys jumystary bıyl tamyz aıynyń sońynda aıaqtalatyn bolady. Sonymen qatar, «Jumyspen qamtýdyń jol kartasy» jobasy aıasynda 3 mektep pen 3 sport nysany aǵymdaǵy jáne 21 kóshe ortasha jóndeýden ótkizilmek. Taǵy 7 kóshe jaryqtandyrylyp, 3 eldimekendegi aýyz sý qubyrlardy ortasha jóndeý josparlanyp otyr.
Búgingi tańda aýdanda 37 joba boıynsha jumystar bastalyp, 236 jańa jumys oryndary ashylǵan. Atalǵan jumys oryndaryna jumyspen qamtý ortalyǵy arqyly 159 azamat joldanyp, jumyspen qamtylǵan. Sondaı-aq, búginde aýdandaǵy Qarabulaq aýylynyń ortalyq Rústemov kóshesine abattandyrý jumystary júrgizilip, kólik keptelisin azaıtý maqsatynda avtoturaq orny qarastylyp jatyr.
Aıta keterligi, Saıramdyq «Sairam thermal resort» shıpajaıy pandemııa kezinde dertke shaldyǵyp, qaıta saýyqqan naýqastardyń organızmin qaıta qalpyna keltirý úshin arnaıy emdik-saýyqtyrý baǵdarlamasyn ázirlegen. Búginde aýdandyq ákimdik pen kásipodaq uıymdarymen kelisimshartqa otyrǵan. Budan ózge aýdandaǵy eki aýyldyq okrýgtegi 10 jolǵa ortasha jóndeý jumystary júrigizý josparlanyp otyr.
