Saıram aýdanynda 19 kóshe men 3 kópir jóndeldi
SAIRAM. QazAqparat - Túrkistan oblysynyń Saıram aýdanynda ótken jyly aýdandyq bıýdjetten qaralǵan 547,8 mln teńgege 60 ishki kóshe joldaryna ortasha jóndeý jumystary júrgizildi, dep habarlaıdy Saıram aýdany ákiminiń baspasóz qyzmeti.
Al, aýyl okrýgi ákimdikteriniń esebinen uzaqtyǵy 13,8 shaqyrymdy quraıtyn 19 ishki kóshe joly ortasha jóndeýden ótkizildi. Sondaı-aq, apatty jaǵdaıdaǵy 3 kópir jóndeldi.
Ótken jyly Aqsýkent aýylyndaǵy «Aqsý-qalalyq qoqys orny - aýdandyq aýrýhana - temirjol vokzaly» baǵytyndaǵy 3,3 shaqyrymdyq jol jáne Aqqala aýylyna kireberistegi «Kóksáıek - Shaıan - Aqqala - Sarqyrama» avtojoly kúrdeli jóndeýden ótkizildi. Atalǵan jumystarǵa oblystyq qazynadan 899,5 mln teńge qaralǵan. Oǵan qosa aýdandyq mańyzy bar 6 jolǵa 246,6 mln teńge qarjy bólindi. Al, 27,2 shaqyrym jolǵa ortasha jóndeý jumystary júrgizilip, atalǵan nysandar paıdalanýǵa berildi.
