Saılaýshylarymyzdyń barlyq usynysy eskeriledi - depýtat
Májilis depýtattary sońǵy aptada Qostanaı oblysyndaǵy 8 aýdandy aralap, saılaýshylarmen kezdesti. Kezekti basqosý búgin Qostanaı aýdanyndaǵy qurylys materıaldaryn shyǵaratyn «Stroıprom» kombınatynda ótti. Kezdesýge «Nur Otan» partııasynyń depýtattary Irına Aronova, Ivan Klımenko jáne Álııa Saparovalar keldi.
Sadovyı aýylyndaǵy 135 adam jumys isteıtin kásiporyn bir aýysymda 40 myń kirpish shyǵarýǵa qaýqarly. Búginde óńirde salynyp jatqan turǵyn úılerdegi jergilikti úles 90 paıyzdan artqan. Atalmysh kásiporyn negizinen joǵary sapaly qurylys materıaldaryn óndirýmen aınalysady. Olar zamanaýı jabdyqtarda óndirilip, únemi halyqaralyq sapa standarttaryna sáıkes sertıfıkattalyp otyrady. Ónimder qazaqstandyq naryqty qamtyp, Reseı Federatsııasyna da eksporttalady.
«Prezıdenttiń «Bes áleýmettik bastamasyna» qatysty birqatar zań jobasyn qarastyrǵan bolatynbyz. Aldaǵy ýaqytta da osy bastamalar aıasynda biraz jumys qolǵa alynady. Jergilikti turǵyndarǵa memlekettik baǵdarlamalardyń iske asyrylýy jóninde túsindirý jumystaryn júrgizip kelemiz. Qostanaılyqtardyń kórsetkishteri jaman emes. Mysaly, tamyz aıynda «7-20-25» baǵdarlamasyna qatysýǵa 25 qostanaılyq ótinish bildirgen. Jalpy, bizdiń saılaýshylarymyzdyń aıtqan usynystary, sol kisilerden jınaǵan aqparattyń bári eskeriledi. Qostanaıǵa kelgen sebebimiz de osy», - deıdi QR Parlamenti májilisiniń depýtaty Álııa Saparova.
Májilismender Qostanaı aýdanyndaǵy eńbek ujymymen kezdesti. Basty maqsat - Prezıdenttiń «Bes áleýmettik bastamasynyń» negizgi máselelerin túsindirý. Halyq qalaýlylary eńbekkerlerdiń usynys-pikirlerin ary qaraı taldaıtynyn jetkizdi.
