Saılaýshylardyń 85,52 paıyzy Qasym-Jomart Toqaevqa daýys berdi - Qoǵamdyq saıasat ınstıtýty

ASTANA. QazAqparat - Exit poll nátıjesi boıynsha 20 qarashada ótken QR Prezıdentiniń kezekten tys saılaýy barysynda saılaýshylardyń 85 paıyzdan astamy kandıdat Qasym-Jomart Toqaevqa daýys bergen. Bul týraly «Astana» telearnasynyń tikeleı efırinen AMANAT partııasy janyndaǵy Qoǵamdyq saıasat ınstıtýty jarııalady, dep habarlaıdy QazAqparat tilshisi.

Atalǵan ınstıtýt búgin kúni boıy saılaý ýchaskeleriniń shyǵa berisinde saılaýshylar arasynda áleýmettik zertteý - Exit poll ótkizip, 70 myńnan astam adamdy qamtyǵan.

Sonymen, exit-poll nátıjesi kelesideı:

Qasym-Jomart Toqaevqa – 85,52 paıyz;

Jıgýlı Daırabaevqa – 2,67 paıyz;

Qaraqat Ábdenge – 2,61 paıyz;

Meıram Qajykenge – 2,43 paıyz;

Nurlan Áýesbaevqa – 1,93 paıyz;

Saltanat Tursynbekovaǵa - 1,44 paıyz daýys berildi.

Al bárine qarsymyn baǵanyn 3,4 paıyzy belgilegen.

Aıta ketsek, elimiz aýmaǵynda 600-ge jýyq saılaý ýchaskesinde saýalnama ótti. Bul turǵyda 74 qala men 242 aýyldy eldi mekende júrgizildi. Qazaqstandyqtardyń 67,71 paıyzy daýys berýge kelgen.

Exit poll - daýys bergen saılaýshylardyń arasynda jasyryn saýalnama júrgizýdiń bir túri.

Astana ýaqytymen saǵat 20.00-de elimizdiń 15 óńirinde, al dál qazir Atyraý, Aqtóbe, Batys Qazaqstan, Qyzylorda jáne Mańǵystaý oblystarynda daýys berý aıaqtaldy.

Osylaısha, elimizdiń barlyq óńirinde ashylǵan 10 033 saılaý ýchaskesi jumysyn toqtatty.

Tórt óńirde saılaýshylardyń 80 paıyzdan astamy daýys berdi.