Saılaýshylardyń 25 protsenti alǵash ret daýys beredi
"Osy jolǵy saılaýdyń bir ereksheligi, atalǵan naýqan Jastar jylynda ótedi. Ekinshiden, keıbir sarapshylardyń esebine sáıkes, saılaýǵa baratyn azamattardyń tórtten bir bóligi alǵash ret daýys beredi. Bul degenimiz, saılaýshylardyń 25 protsenti alǵash ret daýys bermekshi. Bul az adam emes. Sol sebepti bıylǵy saılaý naýqany qyzyqty ótetin sııaqty. Árıne, men de óz daýysymdy beremin. Sondyqtan barlyq jastardy saılaýǵa atsalysýǵa shaqyramyn. Saılaýshylardyń 25 protsenttik armııasy saılaýdyń nátıjesine aıtarlyqtaı áser ete alady", - dedi D.Sádýaqasova Qazaqstandaǵy jastar uıymdarynyń arnaıy keńesinde.
Osy oraıda D.Sádýaqasova ózi basqaryp otyrǵan uıymǵa múshe balalar men jasóspirimderdiń bolashaq elektorat ekenin erekshe atap ótti. "Endi, "Jas Ulan" balalar men jasóspirimder uıymy bolyp sanalamyz. Al zań boıynsha uıym músheleri kámelettik jasqa tolmaı, daýys bere almaıdy. Degenmen, "Jas Ulan" - bul bolashaq elektorat. Osy joly 1,5 mıllıon balamyz saılaýǵa qatyspasa da, kelesi saılaýda mindetti túrde daýys beredi", - dep atap kórsetti D.Sádýaqasova.
Aıta keteıik, keshe QR Prezıdenti Qasym-Jomart Toqaev xalyqqa úndeý joldap, kezekten tys prezıdenttik saılaýdy ótkizý týraly málimdegen bolatyn. Búgin QR Ortalyq saılaý komıssııasy kandıdattardy usyný merzimin jarııalady. Al saılaýaldy úgit-nasıxat jumystary kelesi aıda bastalady.
