Saılaýshylar úshin Qazaqstandaǵydaı jaǵdaı álemniń kóptegen elderinde jasalmaǵan
ASTANA. QazAqparat - Saılaýshylar úshin Qazaqstandaǵydaı jaǵdaı álemniń kóptegen elderinde jasalmaǵan. Bul pikirdi búgin QR Ortalyq saılaý komıssııasynda ótken brıfıngte RF Memlekettik dýmasy TMD isteri, eýrazııalyq yqpaldastyq jáne ShYU jelisi boıynsha otandastarmen baılanys jónindegi komıteti tóraǵasynyń orynbasary Oleg Lebedev bildirdi.
«Biz birqatar saılaý ýchaskelerinde bolyp, olardyń aldaǵy daýys berý kúnine daıyndyǵyn talqyǵa saldyq. Saılaý ýchaskeleri saılaýǵa shyn peıilmen, kásibı ári sapaly daıyndalǵan. Saılaý naýqany kezeńinde saılaýshylar úshin osyndaı jaǵdaı jasaıtyn elder qatary álemde sırek», - dedi O. Lebedev.
Sonymen qatar ol aldaǵy kezekten tys prezıdenttik saılaý laıyqty deńgeıde ótetindigine senim bildirdi.
«Men saılaýdyń halyqaralyq standarttarǵa tolyǵymen saı keletin Qazaqstannyń zańnamasyna sáıkes esh zań buzýshylyqsyz ótýine tilektespin», - dedi ol.
