Saılaýshylar tiziminen óz derekterińizdi qalaı tekserýge bolady

QARAǴANDY. QazAqparat – Qaraǵandy oblysynyń turǵyndaryn saılaýshylar tiziminen ózderin tekserýdiń birneshe tásili túsindirildi, dep habarlaıdy QazAqparat tilshisi.

Qaraǵandy oblysynyń turǵyndary saılaýshylar tiziminen ózderin ártúrli tásildermen teksere alady: ınternette nemese Senim109 biryńǵaı dıspetcherlik qyzmetine júginý arqyly.

Sonymen qatar sailau09.kz arnaıy saıty jumys isteıti, onda árbir paıdalanýshy JSN nemese jeke kýálik nómiri arqyly óz ýchaskesin taba alady. Sondaı-aq, barlyq qala men aýdan ákimdikteriniń saıttarynda «Saılaýshylar tiziminde ózińdi tekser» qosymsha bólimi qoljetimdi.

Internetke qosylý problemalary bar adamdar 109 nómirine qońyraý shala alady. Tek ózińizdiń JSN nomerińizdi usyný qajet bolady. Senim operatorlary saılaý protsedýrasy boıynsha jeke suraqtarǵa da jaýap beredi: mysaly, basqa qalada, aýrýhanada, vahtada jáne t. b. qalaı daýys berýge bolatynyna qatysty.

Sondaı-aq, barlyq qalalar men aýdandardyń ákimdikterinde Call-ortalyqtar, saılaýshylar tiziminde azamattardy tekserý úshin jedel jeliler quryldy.

Jergilikti atqarýshy organnyń qyzmetkerleri ótinishterdi qabyldap, máselelerdi jedel sheshetin bolady. Call-ortalyqtar men jedel jeli nómirleri ákimdikterdiń saıttarynda jarııalanǵan.

Aldyn ala málimetter boıynsha, oblysta 761 myńǵa jýyq saılaýshy tirkelgen, olardyń 13 myńy alǵash ret daýys bergeli otyr.

Esterińizge sala keteıik, Memleket basshysynyń Jarlyǵyna sáıkes Qazaqstan Respýblıkasy Prezıdentiniń kezekten tys saılaýy 2022 jylǵy 20 qarashada ótedi.

Sall-ortalyqtar:

- Qaraǵandy q. Qazybek bı atyndaǵy aýdan ákimdigi: Gogol k-si, 34, tel. [phone];

- Qaraǵandy qalasy, Álıhan Bókeıhan aýdanynyń ákimdigi: Arhıtektýrnaıa kóshesi, 13, tel. [phone];

- Balqash qalasynyń ákimdigi: Ýálıhanov kóshesi, 3, tel. [phone];

- Prıozersk qalasynyń ákimdigi: Pýshkın kóshesi, 7, tel. [phone];

- Saran qalasynyń ákimdigi: Jambyl kóshesi, 67, tel. [phone];

- Temirtaý qalasynyń ákimdigi: Táýelsizdik býlvary, 12, tel. [phone];

- Shahtınsk qalasynyń ákimdigi: Abaı Qunanbaev dańǵyly, 50a, tel. [phone];

- Abaı aýdanynyń ákimdigi: Abaı qalasy, Jeńis dańǵyly, 3, tel. [phone];

- Aqtoǵaı aýdanynyń ákimdigi: Aqtoǵaı aýyly, Á. Bókeıhan kóshesi, 4, tel. [phone];

- Buqar Jyraý aýdanynyń ákimdigi: Botaqara kenti, Abylaı han kóshesi, 39, tel. [phone];

- Qarqaraly aýdanynyń ákimdigi: Qarqaraly qalasy, T. Áýbákirov kóshesi, 23, tel. [phone];

- Nura aýdanynyń ákimdigi: Nura kenti, Myńbaev kóshesi, 44, tel. [phone];

- Osakarov aýdanynyń ákimdigi: Osakarovka kenti, Dostyq kóshesi, 33, tel. [phone], 4-12-67;

- Shet aýdanynyń ákimdigi: Aqsý-Aıýly aýyly, Shortanbaı Jyraý kóshesi, 24, tel. [phone], 2-14-96.