Saılaýshylar óz tańdaýyna jaýapkershilikpen qarap otyr - Mádına Nurǵalıeva
«Bıylǵy saılaý aıasynda Exit-poll ótkizdik. Keshe biz saılaý ýchaskelerinen shyǵa beriste saýalnama tásilin qoldandyq. Zertteýimizdiń parametrlerine qysqasha toqtalatyn bolsaq, biz barlyq respýblıkalyq mańyzy bar qalalar men oblystardaǵy 600-ge jýyq saılaý ýchaskesin qamtydyq. Bul jumysqa 620-dan astam adamdy jumyldyrdyq. Saýalnama 74 qala men 242 aýylda júrgizildi. Bizdiń ádisteme boıynsha 70 myńnan astam saılaýshyǵa suraq qoıdyq», - dedi M. Nurǵalıeva.
Onyń paıymynsha, saılaýda Qasym-Jomart Toqaevtyń kandıdatýrasyn qoldaýdyń joǵary kórsetkishi halyq óz tańdaýyn túsinip, osy tańdaýǵa jaýapkershilikpen qaraı otyryp, sanaly túrde daýys berdi degen qorytyndy jasaýǵa múmkindik berdi.
Sarapshynyń aıtýynsha, bıylǵy qyrkúıek-qazan aılarynda ınstıtýt júrgizgen aldyn ala zertteýlerde azamattardyń aldaǵy saılaý týraly habardar ekenin, oǵan qyzyǵýshylyq tanytyp otyrǵanyn kórsetken.
Buǵan deıin habarlanǵandaı, «Astana» telearnasynyń tikeleı efırinen AMANAT partııasy janyndaǵy Qoǵamdyq saıasat ınstıtýty Exit-poll nátıjesin jarııalady.
