Saılaýshylar neni bilýi tıis
Pandemııaǵa baılanysty qalada turǵyndardyń qaýipsizdigi úshin barlyq jaǵdaı jasalǵan.
Saılaý ýchaskeleri tańǵy 07:00 -den keshki 20:00 ashyq bolady. Saılaýshylar maskamen kelýge mindetteledi.
Eger joq bolsa olarǵa kireberiste maska beriledi. Eger onyń dene qyzýy joǵary bolsa, daýys berýge tyıym salynady. Ýchaskelerde jedel járdem karetasy kezekshilik etetin bolady.
Olar qyzýy kóterilgen patsıentti ınfektsııalyq statsıonarǵa jetkizedi. Qajet bolǵan jaǵdaıda adamdy aýrýhanaǵa jatqyzady.
Medıtsınalyq mekemede jabyq ýchaskelerde oǵan daýys berýge múmkindik beriledi.
Daýys berýshi óz ýchaskesin 221-10-01 kýll ortalyǵy arqyly tegin bile alady nemese @sailau_almaty Telegram-bot kómegimen,sondaı-aq «Open Almaty» servıs ortalyǵynda jáne http://service.almaty.kz/ru arqyly bile alady. «Men nege tizimde joqpyn degen suraq kóp. Anyqtaı bastaǵanda ol adamnyń basqa qalada tirkeýde turǵany anyqtalady. Almatyda tirkeýde turǵan turǵyndar qalada daýys berse, basqalary shyǵý qujaty arqyly daýys bere alady»,- dedi Janna Asanova.
Daýys berýshi tizimdelgen soń qol qoıyp, Májilis jáne máslıhatqa eki bıýlleten alyp shyǵady.
«Basqa aımaqtarda bıýlleten kóp bolýy múmkin. Sebebi aýdandyq, oblystyq máslıhat bıýlletenderi bolady. Al Almatyda tek 2 bıýlleten»,- dedi spıker.
Saılaý ýchaskeleri boıynsha negizgi sanıtarlyq-epıdemıologııalyq talaptar:
- áleýmettik qashyqtyqty saqtaý úshin daýys berý bólmesi jetkilikti mólsherde keń bolýy tıis;
- ǵımaratqa kire beriste jáne saılaý ýchaskesiniń úı-jaıynda KVI-dyń aldyn alý boıynsha aqparat ornalastyrylady;
- saılaý ýchaskesiniń aýmaǵynda jáne daýys berýge arnalǵan úı-jaıda saılaýshylar leginiń baǵytyn kórsetetin belgiler ornalastyrý, 1,5-2 metr qashyqtyqty belgileý;
- daýys berýge arnalǵan úı-jaıda qoldy dezınfektsııalaýǵa arnalǵan antıseptıkalyq quraly bar sanıtaızerlerdi ornatý;
- qajettiligine qaraı daýys berýge arnalǵan kabınalarǵa sanıtarlyq óńdeý júrgizý;
- dezınfektsııalaý quraldaryn paıdalana otyryp, ǵımaratqa únemi ylǵaldy tazalyq júrgizý. Bul rette esik tutqalaryn, taıanyshtardy, daýys berýge arnalǵan kabınalardy, ústelder men oryndyqtardyń janasý betterin, keńse tehnıkasyn, daýys berýge arnalǵan statsıonarlyq jáne tasymaldanatyn jáshikterdi dezınfektsııalaýǵa erekshe nazar aýdarý qajet;
- daýys berýge arnalǵan ǵımarattyń kireberisinde jáne odan shyǵatyn jerde paıdalanylǵan jeke qorǵanysh quraldaryn jınaý jáne olardy odan ári kádege jaratý úshin konteınerler ornatý.
Epıdemıologtardyń aıtýynsha, daýys berý aldynda jáne kúni boıy bólmeni jeldetiledi.
Óz kezeginde, QR Bas memlekettik sanıtar dárigeriniń № 69 Qaýlysyna sáıkes, jasyryn daýys berý úshin aldyńǵy perdesi joq kabınalardy paıdalaný qarastyrylǵan. Bul talap saılaý ótkizý jónindegi zańnamaǵa qaıshy kelmeıdi jáne 2020 jyldyń tamyzynda QR Parlamenti Senatynyń depýtattaryn saılaý kezinde de qoldanyldy. Bul shara aýanyń tabıǵı aınalymyna yqpal etedi jáne ınfektsııanyń taralýyn boldyrmaý úshin qosymsha jeldetýdi qamtamasyz etedi.
«Saılaý protsesine qatysýshylardyń densaýlyǵy men ómiriniń qaýipsizdigin qamtamasyz etý mańyzdy aspektilerdiń biri bolyp tabylady. Almaty qalasynyń turǵyndary men qonaqtaryn shekteý sharalaryna túsinistikpen qaraýǵa jáne ózderi men jaqyndary úshin sanıtarlyq normalardy saqtaýǵa shaqyramyz. Sondaı - aq, saıası partııalardyń ókilderine barlyq talaptardy qatań jáne buljytpaı oryndaýǵa jáne olardyń saqtalýyna jaýapty tulǵalardy taǵaıyndaýǵa shaqyramyz», - deıdi Almaty qalasy sanıtarlyq-epıdemıologııalyq baqylaý departamenti basshysynyń orynbasary Ásel Qalyqova.
Aýmaqtyq saılaý komıssııasynyń aqparatyna sáıkes, saılaý komıssııalarynyń barlyq músheleri daýys berýge arnalǵan ǵımarattan tys jerde azamattardyń daýys berýin uıymdastyrýǵa arnalǵan betperdelermen, qorǵanysh ekrandarymen, qolǵaptarmen, sanıtaızerlermen, qorǵanysh halattarymen qamtamasyz etilgen.
Koronavırýs ınfektsııanyń taralýyna jol bermeý maqsatynda saılaý komıssııalarynyń barlyq músheleri, senim bildirilgen adamdar, baıqaýshylar PTR ádisimen COVID-19-ǵa zerthanalyq tekserýden ótedi.
Árbir zerthana ıntegratsııa arqyly aqparattyq júıege testileýden ótken barlyq adamdar úshin mártebe beretindigin atap ótken jón, eger test oń nátıje kórsetse, ol jeke derekter bazasynda tirkeledi.
Kórsetilgen júıede JSN boıynsha tekserýge Almaty qalasynyń memlekettik sanıtarlyq epıdemıologııalyq baqylaý organy qol jetkize alady, olar PTR-testilerdiń usynylǵan nátıjeleriniń durystyǵyn teksere alady.
