Saılaýǵa jastar kóp qatysty – sarapshy
«Keshe ǵana aýa raıy shamamen -40 gradýs sýyq bolǵan. Búgin kún jylynyp ketedi dep eshkim oılaǵan joq jáne osyndaı aıazdy kúni osynshama halyq saılaýǵa qatysady dep oılaǵan joqpyn», - deıdi Eýropalyq quqyq jáne adam quqyǵy saraptamalyq ınstıtýtynyń dırektory Marat Bashımov.
Onyń aıtýynsha, epıdemıologııalyq jaǵdaıǵa baılanysty qaýipsizdik sharalary saqtalyp, saılaý jaqsy uıymdastyrylǵan.
«Sondaı-aq, daýys berip jatqan jastardy kóp baıqadym. Saılaýaldy naýqanda debat ótti. Onyń qandaı deńgeıde ótkenin ártúrli baǵalaýǵa bolady, biraq eń bastysy – oǵan ártúrli sarapshylar qatysty. Debatqa qatysý –qatyspaý quqyqtaryn da paıdalandy. Bul úlken ózgeris deýge bolady», - deıdi ol.
Eske sala ketsek, buǵan deıin Sailau Talks-2021 sarapshylary ótip jatqan saılaýdyń mańyzyn talqylaıtynyn jazǵan bolatynbyz.
Іs-sharany Qazaqstan saıası ǵylymdar qaýymdastyǵy «QazAqparat» Halyqaralyq aqparat agenttiginiń qoldaýymen uıymdastyryp otyr.
