Saılaýǵa jappaı qatysý azamattardyń eldiń basty saıası oqıǵasy tóńireginde birikkenin ańǵartady - professor G.Nasımova
ASTANA. KAZINFORM - Kezekten tys Prezıdent saılaýynda daýys berýge kelgen saılaýshylardyń qatary qalyń. Bul eldiń basty saıası jańalyǵy tóńireginde azamattardyń shoǵyrlanýyn kórsetedi, dedi QazUÝ Saıasattaný kafedrasynyń meńgerýshisi, saıası ǵylymdarynyń doktory Gúnár Nasımova.
«Bıylǵy prezıdent saılaýy saılaýshylardyń kelý kórsetkishiniń joǵary ekenin kórsetip otyr. Bul azamattardyń eldiń basty saıası oqıǵasy tóńireginde birikkenin ańǵartady. Bul azamattardyń elektoraldy belsendiligin arttyrý maqsatynda Ortalyq saılaý komıssııasy men úmitkerlerdiń saılaý shtabtary júrgizgen saılaýaldy úgit-nasıhattarynyń uıymdastyrý deńgeıiniń joǵary bolǵanyn kórsetedi. Aqparattandyrý deńgeıi tıisti dárejede boldy, BAQ ár úmitkerdiń saılaýaldy úgit-nasıhattarymen azamattardy tanystyrdy. Búgingi kúnniń nátıjesi qazaqstandyqtardyń saıası kóńil-kúıiniń anyqtap qana qoımaı, sonymen qatar eldiń ary qaraı damý jolyn anyqtaıdy. Qazir ár saılaýshy tańdaýyn jasaýda úlken jaýapkershilik tanytyp otyr dep oılaımyn», - dep atap ótti ol.
