Saılaýǵa QR Kásipodaqtar federatsııasynan 5700-ge jýyq baqylaýshy qatysady
«Keshe ǵana QR Parlamenti Májilisi men máslıhattar depýtattaryn saılaýdaǵy Qazaqstan Respýblıkasy kásipodaqtar federatsııasy baqylaýshylarynyń respýblıkalyq shtabynyń birinshi otyrysyn ótkizdik. Biz saılaýǵa baqylaýshy retinde qatysamyz. Búgingi kúni 9500-den astam saılaý ýchaskelerine 5700-ge jýyq baqylaýshy óz kandıdatýrasyn usyndy. Biz olarǵa pandemııa kezinde saqtyq sharalaryn túsindiremiz. Baqylaýshylar oqýdan jáne trenıngterden ótedi», - dedi QRKF baıqaýshylary respýblıkalyq shtabynyń tóraǵasy – Kásipodaqtar federatsııasy tóraǵasynyń orynbasary Nurlan Óteshev Kásipodaqtar úıinde ótken brıfıngte.
Respýblıkalyq shtabtyń múshesi, «Memlekettik, bank mekemeleri jáne halyqqa qyzmet kórsetý qyzmetkerleriniń qazaqstandyq kásipodaǵy» qoǵamdyq birlestigi tóraǵasynyń orynbasary Ataqozy Nurlanovtyń aıtýynsha, basty maqsat – baqylaýshylardyń jumysyn ashyq jáne adal uıymdastyrý.
«Kásipodaqtar federatsııasy QR Parlamenti Májilisi men máslıhattar depýtattaryn saılaýdaǵy erkin protsesterge baqylaýshy retinde qatysýǵa daıyn ekenin málimdedi. Óńirlerde aımaqtyq baqylaýshylar shtaby quryldy, olarǵa aımaqtardan barlyq aqparat kelip túsedi. Bizdiń maqsatymyz – baqylaýshylardyń jumysyn ashyq, shynaıy túrde uıymdastyrý jáne saılaýdyń ashyqtyǵy men ádil ótýin qamtamasyz etý. Eń bastysy – adamnyń tańdaý múmkindigine qatysty konstıtýtsııalyq quqyǵyn qamtamasyz etý. Meniń oıymsha, biz adaldyqty, ashyqtyqty, zańnama qaǵıdattaryn saqtaýdy qamtamasyz ete alamyz», - deıdi Ataqozy Nurlanov.
