Saılaýǵa qatysyp, daýys berý - jarqyn bolashaqqa ınvestıtsııa jumsaýmen teń - D. Borodıch
ALMATY. QazAqparat - Qazaqstanda saılaý óte joǵary deńgeıde uıymdastyrylǵan. Saılaýshylardyń saılaýǵa kelýi deńgeıi kem degende 60 paıyzdan asatyndyǵyna tolyq senimdimin. Búgin Almatyda QR Parlamenti Májilisi men ár túrli deńgeıdegi máslıhattar depýtattarynyń saılaýyna qatysty ótken baspasóz máslıhaty barysynda halyqaralyq baıqaýshy, Estonııa Parlamentiniń depýtaty Denıs Borodıch osylaı málim etti.
«Men ótken jyly Qazaqstan Prezıdenti saılaýyna da qatysqan bolatynmyn. Astanada jumys istedim. Bıyl, minekı Almatyǵa keldim. Saılaý óte joǵary deńgeıde uıymdastyrylǵan. Barlyq halyqaralyq standarttarǵa saı ótkizilip jatyr. Ótken jylǵy saılaýda saılaýshylardyń 90 paıyzdan astamy daýys bergen edi.
Al búgingi saılaýda saılaýshylardyń saılaýǵa kelý deńgeıi kem degende 60 paıyzdan asatyndyǵyna tolyq senimdimin. Bul ortasha álemdik kórsetkish. Bul joly da eldiń qaýipsizdigi men tynyshtyǵy jáne turaqty damýy - saılaýshylar úshin negizgi qozǵaýshy kúshke aınalyp otyr. Shynynda da, saılaýǵa qatysyp, daýys berý - jarqyn bolashaqqa ınvestıtsııa jumsaýmen teń», - dedi D. Borodıch.
