Saılaýǵa qatysty OSK-ge kelip túsken barlyq ótinishterge ýaqtyly jaýap berildi - Q.Turǵanqulov

ASTANA. QazAqparat - QR Ortalyq saılaý komıssııasy saılaýǵa qatysty kelip túsken barlyq ótinishterge ýaqtyly jaýap berdi. Bul týraly búgin QR Ortalyq saılaý komıssııasynyń tóraǵasy Qýandyq Turǵanqulov málim etti.

Elektorattyq naýqan bastalǵannan beri QR OSK-ǵa jeke jáne zańdy tulǵalardan 25 ótinish kelip túskenin atap ótken Q.Turǵanqulov: «Olardyń 52 paıyzy Parlament Májilisi depýtattaryn saılaý jóninde, 48 paıyzy máslıhattar depýtattaryn saılaý jóninde boldy», - dedi.
Sonymen qatar, onyń atap ótýinshe, Ortalyq saılaý komıssııasynyń elektrondyq mekenjaıyna 10 ótinish joldanǵan. «Olardyń 9-ynda saılaý zańnamasynyń normalaryn túsindirý talap etilse, taǵy bireýi saılaý komıssııalarynyń qyzmetin uıymdastyrý máselelerine qatysty boldy. Barlyq ótinish ıelerine ýaqtyly jaýaptar qaıtaryldy», - dedi Q.Turǵanqulov.