Saılaýǵa qatysty aqparattar hakerlerden qorǵalǵan - QR OSK

ASTANA. QazAqparat - Saılaý naýqanyna qatysty aqparattar, qujattar men sandyq málimetter júıesiniń qorǵalýy basty nazarda. Bul týraly búgin «Zamanaýı saılaý tehnologııalary: tájirıbesi men praktıkasy» atty dóńgelek ústelde QR Ortalyq saılaý komıssııasynyń múshesi Marat Sársenbaev málim etti.

Onyń aıtýynsha, barlyq oblystarda málimetterdiń qorǵalýyn qamtamasyz etetin bilikti mamandar bar.

«Olar bizdiń málimetterdiń saqtalýyn baqylaıdy. Sebebi saqtyqta qorlyq joq. Júıeni buzyp kirý oqıǵalary bunyń aldynda bolǵanyn aıta keteıin. Sodan keıin biz tıisti sharalar qabyldadyq. Endi bizde ınternetpen baılanysy joq arnaıy baılanyspen qamtamasyz etildik. Sondyqtan osy júıemen jumys isteı alamyz. Aımaqtardan keletin barlyq aqparattar osy júıemen kelip túsedi, bul oǵan eshkim teris maǵlumattar engizip, saılaýdyń astan-kesteńin shyǵarmaý úshin jasalýda», - dep atap ótti ol.