Saılaýǵa qatysty 34 ótinish tústi - OSK

NUR-SULTAN. QazAqparat - QR Ortalyq saılaý komıssııasyna saılaý jarııalanǵan kúnnen beri 34 ótinish kelip túsken. Bul týraly QR OSK múshesi Erlan Daýylbaev aıtty, dep habarlaıdy QazAqparat tilshisi.

«Saılaý jarııalanǵan kún - 21 qazannan bastap búginge deıin Ortalyq saılaý komıssııasyna 34 ótinish kelip tústi. Beseýi – jeke tulǵalardan, 29 – zańdy tulǵalardan, onyń ishinde 13 – BAQ-tan. Kóteriletin máselelerdiń sıpaty boıynsha ótinishterdi bylaısha bólýge bolady. 50 paıyzy, ıaǵnı 17 ótinish «Saılaý týraly» Zańnyń normalaryn túsindirý týraly, 17 paıyzy – saılaý protsesin uıymdastyrý máseleleri boıynsha aqparat berý, 12 paıyzy – saılaý zańnamasyn jáne OSK qyzmetin jetildirý jónindegi usynystar, 21 paıyzy – ózge de máseleler boıynsha», - dedi ol OSK otyrysynla

Onyń aıtýynsha, pandemııa jaǵdaıynda saılaýdy ótkizý, baıqaýshylardy tirkeý, múmkindigi shekteýli adamdardyń saılaý quqyqtaryn iske asyrýyn qamtamasyz etý, saılaý naýqanyna bólingen qarajatty jumsaý, azamattardy saılaýshylardyń tizimine engizý, saılaý aldynda úgit jumystaryn júrgizý jáne shet elde daýys berýdi uıymdastyrý ári ótkizý máseleleri boıynsha kelgen ótinish avtorlaryna jaýap berildi

«Kórsetilgen kezeń ishinde kelip túsken 34 ótinishtiń ishinen OSK apparaty tarapynan 22-sine belgilengen merzimde ótinish berýshilerge tolyq jaýap berildi. 4-eýi Ortalyq saılaý komıssııasynyń quzyretine kirmeıtindikten zańda belgilengen tártippen memlekettik organdarǵa qaıta joldandy. Bir qaıta jasalǵan ótinish qaraýsyz qaldyryldy. BAQ-tyń eki aqparattyq habarlamasy OSK saıtynda ornalastyryldy. 5 ótinish qaralýda. Oryndalmaǵan ótinishter joq», - dedi Erlan Daýylbaev.