Saılaýǵa bólingen qarjynyń 70 paıyzy jergilikti komıssııa músheleriniń jalaqysyna jumsalady
«Ústimizdegi jyldyń 26 sáýirinde ótetin kezekten tys QR Prezıdenti saılaýyna Úkimetten 5 mlrd. 141 mln. teńge qarjy bólindi. Bul qarajattyń 70 paıyzy jergilikti komıssııa músheleriniń jalaqasyna tólenedi. Osy saılaýǵa 10 myńnan astam saılaý ýchaskesi ashylyp, onda 70 myńǵa tarta komıssııa músheleri jumys isteıdi», - dedi ol.
M.Muhametovanyń aıtýynsha, zań talaptaryna sáıkes saılaý komıssııasynyń árbir múshesine 3 eń tómengi jalaqy mólsherinde aılyq tólenetin bolady. Budan bólek Úkimettik qordan bólingen qarjy avtókólik, baılanys jáne basqa da shyǵystarǵa qaralady.
«Bul qarjy Úkimet qorynan bólingennen keıin onyń basqa jaıttarǵa jumsalýyna qatań tyıym salynady. Biz bul qarjyny 17 naýryz kúni jergilikti saılaý komıssııalaryna jiberdik», - degen ol maýsym aıynyń basynda jergilikti saılaý ýchaskelerine jumsalǵan qarjynyń naqty esebin Ortalyq saılaý komısssııasyna jiberetindigin atap ótti.
«Elimizdiń zańyna sáıkes aǵymdaǵy jyly eń tómengi jalaqy 21 myń 364 teńgeni quraıdy. Demek, saılaý komıssııasynyń árbir kúshesine 62 myń teńgeden jalaqy tólenetin bolady», - dep qosty ol.
