Saılaýǵa baılanysty kez kelgen ótinish nemese shaǵym quzyrly organǵa túsken sátten bastap, jedel túrde qaralady - ІІM
ASTANA. 15 qańtar. QazAqparat /Aıdar Ospanalıev/ - Májilis pen máslıhat depýtattarynyń saılaýymen baılanysty kez kelgen ótinish nemese shaǵym quzyrly organǵa túsken sátten bastap, jedel túrde qaralady.
Bul týraly búgin saılaýdyń barysyna baılanysty jýrnalıstermen bolǵan brıfıngte Іshki ister mınıstrliginiń Ákimshilik polıtsııa komıtetiniń basqarma bastyǵy Marat Jeksenbekov málim etti.
Onyń sózinshe, saılaý ýchaskelerindegi qandaı da bir oqıǵalar men zańbuzýshylyqtardy der kezinde tyıý maqsatynda árbir aýdanda nemese qalada 2-3 jedel tergeý toptary qurylǵan. Atalmysh toptyń quramyna prokýratýra organynyń ókilderi de kirip otyr. «Búgingi tańda ishki ister organdarynyń arnaıy mekemelerinde daýys berýge quqy bar 1 myń 800 adam otyr. Olardyń konstıtýtsııalyq quqyqtaryn saılaý komıssııalarymen kelisilgen túrde qamtamasyz etý maqsatynda arnaıy mekemelerde saılaý ýchaskeleri ashyldy»,-dedi basqarma bastyǵy.
Іshki ister organdary saılaý kúni jáne odan keıin de qoǵamdyq tártipti qamtamasyz etýde barlyq sharalardy qolǵa alady.
