«Saılaýǵa barasyń ba, ózgelerdi de shaqyra kel!» atty keń aýqymdy aqparattyq naýqan qorytyndylandy
ASTANA. 14 sáýir. QazAqparat - Búgin «Táýelsiz aýmaq» qozǵalysynyń ókilderi Qazaqstan Respýblıkasy Prezıdentiniń kezekten tys saılaýyna baılanysty uıymdastyrylǵan «Saılaýǵa barasyń ba, ózgelerdi de shaqyra kel!» atty keń aýqymdy aqparattyq naýqannyń barysyn qorytyndylady.
«Táýelsiz aýmaq» qozǵalysynyń úılestirýshisi Nurlan Nurǵazınniń aıtýynsha, 2011 jyldyń aqpan aıynda qozǵalys belsendileri «Saılaýǵa barasyń ba, ózgelerdi de shaqyra kel!» atty urandar ustap kóshege shyqty. «Onda belsendi jastardy kóshede ketip bara jatqan kólik júrgizýshileri de dybys berý arqyly qoldaıtyndyqtaryn bildirip jatty. Atalmysh sharany elorda halqy jaqsy qoldady»,-deıdi «Táýelsiz aýmaq» qozǵalysynyń úılestirýshisi.
Osyǵan qaraı búgin qozǵalys ókilderi osy sharanyń nátıjesin qorytyndylaı kele, saılaýǵa baılanysty ótken sharaǵa belsendi atsalysqan jastardy shaqyryp, olarǵa qozǵalys múshesi degen kýálik tabys etip, dıplomdarmen jáne baǵaly syılyqtarmen marapattady.
