Saılaýdyń joǵary deńgeıde ótetindigine senimdimin - Ázerbaıjan OSK tóraǵasy

ASTANA. QazAqparat - Saılaýdyń joǵary deńgeıde ótetindigine senimdimin. Bul pikirdi búgin QR OSK-de ótken brıfıngte Ázerbaıjan Ortalyq saılaý komıssııasynyń tóraǵasy Mazahır Panahov bildirdi.

«QR Ortalyq saılaý komıssııasy Qazaqstannyń saılaýshylary daýys bere alýy úshin barlyq jaǵdaıdy jasap otyr. Biz erteń qazaqstandyqtardyń basym bóliginiń pikirin biletin bolamyz. Men sizderdiń elderińizge baıqaýshy retinde alǵash ret kelip otyrǵanym joq. Jalpy, saılaýdyń joǵary deńgeıde ótetindigine senimdimin», - dedi M.Panahov.

Sonymen qatar Ázerbaıjan OSK tóraǵasy saılaý qorytyndysyna oraı barlyq baıqaýshylar óz pikirlerin bildiretindigin atap ótti.

«Olardyń shynaıy pikir bildiretindigine úmit artamyn. Sonymen qatar buqaralyq aqparat quraldary da saılaý úderisin jarııa etýde belsendi jumys atqararyna senimdimin», - dedi ol.