Saılaýdyń ashyq ári ádil ótýine erekshe mán berý kerek - N. Nazarbaev
ASTANA. QazAqparat - Búgin "Nur Otan" partııasynyń kezekten tys 17-shi sezinde sóz sóılegen QR Prezıdenti, partııa Tóraǵasy Nursultan Nazarbaev Májiliske depýtat bolýǵa úmitker kandıdattarǵa sáttilik tiledi.
«Búgin biz taǵy bir tarıhı sátti basymyzdan ótkerip jatyrmyz, sondyqtan da búgin Májilis depýtattyǵyna usynylǵan kandıdattarǵa, bizdiń partııanyń múshelerine osy saılaýda shyn júregimnen sáttilik tileımin. Saılaý barysy álemniń túrli elderinen kóptegen baıqaýshylardyń nazarynda bolady. Osy oraıda saılaý ashyq, ádiletti ótýi tıis. Árqaısysy daıyndalýy kerek»,-dedi Prezıdent.
Memleket basshysy kandıdattardy ózderiniń bilimimen qarýlanyp, partııanyń atqarǵan jumystaryn jáne aldaǵy ýaqytta júzege asyratyn qadamdaryn dáıekti túrde halyqqa jetkizýge shaqyrdy.
