Saılaýdyń aldyn ala nátıjeleri: Grýzııany alǵash ret áıel basqarýy múmkin

TBILISI. QazAqparat - 28 qarasha kúni Grýzııada prezıdent saılaýynyń ekinshi kezeńi ótti. Aldyn ala málimetter boıynsha, kandıdat Salome Zýrabıshvılı alda keledi, dep habarlaıdy «QazAqparat» HAA TASS agenttigine silteme jasap.

Grýzııa Ortalyq saılaý komıssııasynyń beısenbi kúngi málimetterine súıensek, saılaý ýchaskelerindegi bıýlletenderdiń 91,42% óńdeldi. Nátıjesinde, Salome Zýrabıshvılı 59,55% daýys jınaǵan. Al onyń baqtalasy Grıgol Vashadzeni saılaýshylardyń 40,45% qoldaǵan.

Grýzııa Ortalyq saılaý komıssııasy resmı saıtynyń arnaýly bólimindegi aqparatqa sáıkes, Zýrabıshvılıge - 1 570 063 adam, Vashadzege 717 942 adam daýys bergen.

Eske salaıyq, Grýzııada 28 qarasha kúni prezıdent saılaýynyń ekinshi týry ótti. Oǵan «Grýzııa armany» bıleýshi partııasynan Salome Zýrabıshvılı jáne «Birtutas ulttyq qozǵalys» oppozıtsııalyq partııasynan kandıdat Grıgol Vashadze qatysty. OSK málimetterine qaraǵanda, saılaýshylardyń 56,23% daýys bergen.